000			11187nam a22001817a 4500
999			_c52128 _d53675
003			ISURa
008			191205b xxu||||| |||| 00| 0 eng d
020			_a9789553815705
041			_aSinhala
082			_a331 _bSUR
100			_aSuraweera , Susantha _974405
245			_aරැකියාවට පියාපත් _bනිපුණතාව හා ප්‍රවීණතාව
260			_aKolonnawa _bSelf Published _c2017 _g2017
300			_a102 p. _c21 cm.
520			_aබී. එච්. සුසන්ත සුරවීර විසින් රචිත “රන් කරපටි රැකියාවක් සඳහා යතුර” හා “රැකියාවට පියාපත්”යන පුස්තක ද්වය 2017 ඔක්තෝබර් 26 දින මහවැලි කේන්ද්‍රයේ දී ජනගත විණි. ඉන් පළමු කෘතිය “රන් කරපටි රැකියාවක් සඳහා යතුර” පාසැල් අධ්‍යාපනය නිමා කරන සිසුන්ට ඵලදායි වෘත්තීය පුහුණුවක් ලබාගන්නා ආකාරය පැහැදිලි කරයි. “රැකියාවට පියාපත්” කෘතිය වෘත්තීය පුහුණුවෙන් පසු රැකියාස්ථ පුහුණුව හා රැකියා ස්ථානීය ඉගෙනීම මගින් නිපුණතාව හා ප්‍රවීණතාව ලබන ආකාරය පැහැදිලි කරයි. මේ විවරණය “රන් කරපටි රැකියාවක් සඳහා යතුර” කෘතිය පිළිබඳවයි. මේ ග්‍රන්ථය සැබවින් ම සුවහසක් වූ තුරුණුවියේ පසුවන දරු දැරියන් සඳහා ලේඛකයා ලබාදුන් මහාර්ඝ දායාදයක් ලෙස මම දකිමි. අ.පො.ස. (සා.පෙ.) දක්වා වසර 11ක් හෝ (උ.පෙ.) දක්වා වසර 13ක් පාසැල තුළ සිප්සතර හදාරා එහෙත් කඩඉම් විභාගවල දී අපේක්‍ෂිත මට්ටමට ලකුණු නොලැබූ දරුදැරියන් විශාල පිරිසකට තිර අදිටනින් හා අප්‍රතිහත ධෛර්යයෙන් ජීවිත අභියෝග ජය ගැනීමට රැකියාවක් හෝ වෘත්තීය මාර්ගයකට පිවිසිය හැකි ආකාරය මේ ග්‍රන්ථය මගින් සරල ලෙස පැහැදිලි කර ඇත. ශ්‍රී ලාංකිකයන් හොඳ අධ්‍යාපනයක වැදගත්කම අවබෝධ කරගත්තේ මෙයට දශක ගණනාවකට පෙර සිට ම ය. අධ්‍යාපනය සඳහා කරනු ලබන ආයෝජනයෙහි ප්‍රතිඵලයක් ලෙසට අද ශ්‍රී ලංකාව සාපේක්‍ෂ වශයෙන් ඉහළ සාක්ෂරතාවක් අත් කරගත් රටක් ලෙසට ලොව ප්‍රචලිත වී ඇත. මේ දෘෂ්ටිකෝණයෙන් බලන කල ඉංජිනේරු සුරවීරගේ මේ කෘතිය ශ්‍රී ලංකාව අත් කරගෙන ඇති සුවිශේෂ ජයග්‍රහණය තවදුරටත් ධනාත්මකව උපස්තම්භනය කිරීමට නියත වශයෙන් දායකවනු ඇත. පුරා දශක දෙකකට වැඩිකාලයක් ශ්‍රී ලංකාවේ කාර්මික හා වෘත්තීය අධ්‍යාපන හා පුහුණු ක්‍ෂෙත්‍රයෙහි අභිවෘද්ධිය උදෙසා දැඩි කැපවීමකින් හා ආත්ම ශක්තියකින් කටයුතු කරමින් සිටින මේ කර්තෘවරයාගේ ගැඹුරු වෘත්තීය දැනුම, අවබෝධය හා අත්දැකීම් ග්‍රන්ථයෙන් පැහැදිලි ව ප්‍රතිබිම්භනය වී ඇත. ඔහු නිතැතින් ම මේ ක්‍ෂෙත්‍රයේ සිටින විශිෂ්ට ගණයෙහිලා සැලකෙන ප්‍රවීණයෙකි. මේ ප්‍රවීණත්වය හෙට දිනට උරුමකම් කියන දරු දැරියන්ගේ තිර යහපත උදෙසා යොදවාලීමට ඔහු ගෙන ඇති නිහඬ උත්සාහය ප්‍රශංසාවට ලක්විය යුත්තකි. මෙම ග්‍රන්ථය නිර්මාණය වී ඇත්තේ දරු දැරියන් විසින් කවර අන්දමකට ශ්‍රී ලංකාවේ රැකියා වෙළඳපොළ තුළ කටයුතු කළ යුතු ද යන්න පිළිබඳ ව ධනාත්මක සිතිවිලි ජනනය කරන්නා වූ පසුබිමක ය. මෙලොව ජන්ම ලාභය ලබන සෑම දරුවකු සතුවම අසීමිත විභවතාවක් ඇත. මේ විභවතාව කාර්මික හා වෘත්තීය පුහුණුව ඔස්සේ එළිදැක්විය හැක්කේ කෙසේද පිළිබඳ වූ මාර්ගෝපදේශනයක් පරිච්ඡේද 21 කින් සමන්විත වූ මේ ග්‍රන්ථය මගින් ලබා දී ඇත. පාසැල් අධ්‍යාපනය නිමවා වැඩ ලෝකයට පිවිසීමට යත්න දරණ දරුවකුට අවශ්‍යවන්නේ තමා කවුද? තම හැකියාවන් හා නිපුණතා මොනවා ද? එම හැකියා හා නිපුණතා සමකාලීන රැකියා වෙළඳපොළ සමඟ සම්බන්ධ කරගත යුත්තේ කවරාකාරයෙන් ද? ඒ සම්බන්ධයෙන් පවත්නා ආයතන පද්ධතීන් සංවිධානය වී ඇත්තේ කෙසේද? තම දෙපයින් නැඟී සිටින ව්‍යවසායකයකු වීමට කාර්මික හා වෘත්තීය පුහුණුව යොදාගත හැක්කේ කෙසේද? යනාදී වශයෙන් වූ එකිනෙකට බද්ධ වී පවත්නා ක්‍ෂේත්‍ර ගණනාවක් පිළිබඳ නිවැරදි හා ව්‍යාකූල නොවූ අවබෝධයකි. ඒ නයින් බලන කල වෘත්තීය මාලිමාවක් ලෙස ඉදිරිපත් කර ඇති කරුණු පාසැල් අධ්‍යාපනය නිමකරන සෑම දරුවෙකුට ම තමන්ගේ මතු රැකියාව සහ වෘත්තිය තෝරාගැනීම පිළිබඳව තිරසර පදනමක් වනු ඇත. අපගේ දේශයේ අවිධිමත් අංශය අද සාපේක්‍ෂ වශයෙන් විශාල ක්‍ෂෙත්‍රයකි. මෙම අංශයෙහි විශාලත්වය අඩුකර ගැනීමට අඛණ්ඩව කටයුතු සම්පාදනය කිරීම ජාතික මට්ටමේ ප්‍රමුඛතාවයකි. ජාතික වෘත්තීය සුදුසුකම් ලබාගැනීමට අවකාශ සලසා දීම සහ තරුණ වියෙහි පසුවන පුරවැසියන් තුළ ව්‍යවසායක්තවය පිළිබඳව ආකල්ප හා සාරධර්ම ගොඩනගාගැනීමට අවශ්‍ය උපදෙස් සරල ව මේ ග්‍රන්ථයෙන් ලබා දී ඇත. මෙමඟින් අන්තර්ගතය ව්‍යවච්ඡේදනය කිරීමේදී මා දකින තවත් කැපී පෙනෙන ලක්ෂණයක් වනුයේ දේශීය මෙන්ම අන්තර්ජාතික වශයෙන් ද ලබා ඇති තම අත්දැකීම් පාඨකයන් සමග බෙදාහදා ගැනීමට කර්තෘවරයා ගෙන ඇති උත්සාහයයි. අද අප කථා කරන ගෝලීයකරණය සහ විශ්ව ගම්මානය වැනි මාතෘකා පිළිබඳව සලකා බැලීමේ දී මේ අන්තර්ජාතික අත්දැකීම් ඉතාමත්ම වටිනා අදෘශ්‍යමාන සම්පතකි. මා සිතන අන්දමට ග්‍රන්ථයක ඇති සුවිශේෂ බව විදහා දක්වන ප්‍රමුඛතම සාධකයක් වනුයේ කොතෙක් දුරට එම ග්‍රන්ථය අනාගතයේ දී තවදුරටත් වැඩිදියුණු කළ හැකි ද යන්නයි. මේ ග්‍රන්ථයෙන් වැඩිදියුණු කිරීම් සඳහා හොඳ වේදිකාවක් නිර්මාණය කරදී ඇත. ඒ අනුව ඉදිරි සංශෝධනයකදී සලකා බැලිය හැකිවන එක් ක්‍ෂෙත්‍රයක් වනුයේ විවිධ පරම්පරාවලින් පැවත එන පාරම්පරික ශිල්පක්‍රම කාර්මික හා වෘත්තීය පුහුණු ක්‍ෂෙත්‍රය සමග බද්ධ කළහැකි ආකාරයයි. ඒ අන්දමටම වර්තමානයෙහි පවත්නා දේශගුණික විපර්යාස සැලකිල්ලට ගනිමින් හරිත කුසලතා පිළිබඳව නව පරිච්ඡේදයක් එකතු කිරීම මේ ග්‍රන්ථයෙහි වටිනාකම ඉහළ අගයකින් වැඩිකිරීමට නිසැකවම හේතු විය හැකිය.
650			_aEmployee Training _980400
942			_2ddc _cLN