000			16145nam a22001817a 4500
999			_c52184 _d53731
003			ISURa
008			191218b xxu||||| |||| 00| 0 eng d
020			_a9789556619652
041			_aSinhala
082			_a658.8 _bABE
100			_aAbeysekera, Nalin _974559
245			_aMarketing සිංහලෙන්
260			_aColombo _bSadeepa Prakasakayo _c2019 _g2019
300			_a56 p. _c21 cm.
520			_aඅලෙවිකරණය විෂයය අළලා ලියැවුණු ග‍්‍රන්ථ අතරට තවත් නවමු ග‍්‍රන්ථයක් පසුගියදා එක් විය. එය නාවල විවෘත විශ්වවිද්‍යාලයේ කළමනාකරණ අධ්‍යයන අංශයේ මහාචාර්ය නලින් අබේසේකර ලියූ 'Marketing සිංහලෙන්' නමැති කෘතියයි. ‘අලෙවිකරණය' නමැති බහුතරයකට දුරවබෝධ, ආගන්තුක විෂයය පිළිබඳව මේ දක්වා සිංහල මාධ්‍යයෙන් බිහි වී ඇත්තේ එක්කෝ්් ඉංගී‍්‍රසි භාෂාවෙන් එක විෂයක් පිළිබඳව ලියැවුණු සාරගර්භ ග‍්‍රන්ථවල සිංහල පරිවර්තනය. නොඑසේ නම් එකී විෂයය පිළිබඳව වාණිජ විද්‍යා විෂයයන් උදෙසා පෞද්ගලික පන්ති පවත්වන ගුරුවරුන් විසින් අදාළ පාසල් විෂය නිර්දේශයන් ඉලක්ක කර ගනිමින් ලියන ලද බොහෝ විට නීරස ශෛලියකින් ලියැවුණු ඒ නිසාම පොදු පාඨකයන් හට කිසිසේත් රුචි නොවන හුදු පාඩම් මාලා වලින් ගහන කෘතීන්ය. පූර්වෝක්ත පරිවර්තනවලින් බහුතරයක් අලෙවිකරණයට අදාළ සිද්ධාන්ත සහ ඒවායේ ව්‍යවහාරය කියැවෙන, එහෙත් පහසුවෙන් පාඨකයන් හට අවබෝධ කරගත හැකි සරල ආඛ්‍යානයකින් නො ලියවුණු පාඨක අවධානය රඳවා නොගන්නා කෘතීන් බැව් පෙනේ. මෙවන් පරිසරයක මහාචාර්ය අබේසේකරයන් මෙවර 'Marketing සිංහලෙන්' නමින් ජනගත කරන්නේ අලෙවිකරණය නමැති විෂයය හදාරන විද්‍යාර්ථීන් හට සරල නිදසුන් ඇසුරෙන් ග‍්‍රහණය කර ගැනීමට පහසු ශෛලියකින් ලියන ලද එසේම අලෙවිකරණ විෂයෙන් බැහැර පොදු පාඨක ජනතාවට ද සාර්ථක නවකතාවක් මෙන්, එක හුස්මට කියවා අවසන් කළ හැකි අපූරු ශෛලියකින් යුතුව ලියැවුණු මාහැඟි කෘතියකි. මහාචාර්ය අබේසේකරයන් මින් පෙර අලෙවිකරණය හා සංචාරක ව්‍යාපාරය මූලික කර ගනිමින් කෘතීන් 4 ක් පාඨක ජනතාව වෙත තිළිණ කර ඇති බැව් සඳහන් වේ. ඒ අතරින් 2013 වසරේදී නිකුත් වූ ශී‍්‍ර ලංකා ආර්ථිකයට දේශීය ප‍්‍රවේශයක් සහ 2016 වසරේදී නිකුත් කරන ලද ‘කුඩා ව්‍යාපාරයකට අලෙවිකරණය. නමැති ග‍්‍රන්ථ ද්විත්වය අලෙවිකරණය විෂයයෙහිලා ඔහු විසින් සම්පාදනය කරන ලද කෘතීන් වේ. ඊට අමතරව හේ තවත් කතුවරයකු සමඟ එක්වෙමින් සංචාරක ව්‍යාපාරය ආශි‍්‍රතව 'She is mine: How to win the hearts of Chinese Tourists' iy 'Tourism in Sri Lanka: The way Forword' යනුවෙන් ග‍්‍රන්ථ 2 ක් ද සම්පාදනය කර තිබේ. මේ අනුව 'Marketing සිංහලෙන්' ඔහු විසින් අලෙවිකරණ විෂයය උදෙසා ලියන ලද ඔහුගේ තෙවැනි කෘතියයි. කෙටි පරිච්ෙඡ්ද 11 ක්, පිටු 56 කට සීමා කරමින් නිම කෙරුණු පොත් පිංචක් ලෙස 'Marketing සිංහලෙන්' මතුපිටින් දිස් වුව ද එහි අන්තර්ගතය සලකා බැලීමේදී එය කවර අයුරකින් හෝ ලඝු කොට සැලකිය නොහැකි බැව් පැහැදිලි වේ. මෙවන් පොත් පිංචක් මගින් අලෙවිකරණය බඳු පුළුල් විෂය පථයක් වෙත ඔහු හෙළන දෘෂ්ටිය සේම, එය පාඨක ජනතාව වෙත ළඟා කිරීම සඳහා ගෙන ඇති සාර්ථක උත්සාහය ද විමසා බැලීම අපගේ අපේක්ෂාවයි. කතුවරයා මෙම විෂයය පිළිබඳව දරන තත්ත්ව අවබෝධය ඔහු මෙකී ග‍්‍රන්ථකරණය මගින් ඉලක්ක කරන අරමුණ සහ එය සාර්ථකව ඉටු කර ගැනීම උදෙසා ඔහු සතු හැකියාව මෙම කෘතියේ තම ස්තුතියේ මෙකී කොටස මගින් කතුවරයා අප හට පසක් කරවයි. ‘අලෙවිකරණය හෙවත් මාර්කටින් 'Marketing) යන විෂයය දශක දෙක තුනකට කලින් පැවතියේ සාමාන්‍ය ජනතාවට හසු නොවෙන ‘ඇති - හැකි. අය පමණක් පරිහරණය කළ අති සුඛෝපභෝගී මෙවලමක් ලෙසය. වර්තමානයේ මෙය වෙනස් වී ඇති නමුත් මාගේ මතය වන්නේ මෙය තවදුරටත් ජනගත විය යුතු බවය. මෙම කුඩා ග‍්‍රන්ථය තුළින් මා උදක්ම උත්සාහ කර ඇත්තේ මෙම විෂය සමාජගත කිරීම වේ. මේ තුළින් යමක් ඉගෙන රටට ගැලපෙන අලෙවිකරණයක් හෙවත් ‘අපේ මාර්කටින් ක‍්‍රමයක්. එනම් රොමේෂ් කළුවිතාරන කඩුල්ල පිටුපසට වී ‘ඔහොම යං. කියා සිංහලෙන් උනන්දු කර 1996 ලෝක කි‍්‍රකට් කුසලානය දිනා දුන් ආකාරයේ ‘අපේකමක්. මෙම විෂයට ලබාදීමට ඔබට හැකි වේවා යයි ප‍්‍රාර්ථනා කරමි. අප විසින් මෙහිදී විමසා බැලිය යුතු වන්නේ කතුවරයාගේ පූර්වෝ්ක්ත උත්සාහය කොතෙක් දුරට සාර්ථක වී ඇත්ද යන්නය. එසේම මෙකී ග‍්‍රන්ථය උදෙසා කොළඹ වාණිජ මණ්ඩලයේ සභාපති ප‍්‍රසන්න ලියනගේ මහතා තම පෙරවදන මගින් දක්වන මෙම කරුණු ද මෙහිදී අපගේ අවධානයට යොමු විය යුතුය. ‘ස්ටීව් ජොබ්ස්ලා, බිල් ගේට්ස්ලා, මාර්ක් සකර්බර්ග්ලා ඉහ මුදුනේ තබාගත් බටහිර සංකල්ප, මහා සංකල්ප සේ සලකන සමාජයක මහාචාර්ය අබේසේකර මහතා සෑම විටම දේශීය හින්නි අප්පුහාමිලා, සිද්ධාලේප මුදලාලිලා වෙනුවෙන් හඬ නැඟූ විද්‍යාර්ථියෙකි. එමෙන්ම අලෙවිකරණය පිළිබඳ හසල දැනුමත් ඇති ඔහු එම විෂයය සිංහලෙන් සරලව, සාමාන්‍ය ජනතාවගේ හිතට දැනෙන ලෙස ඉදිරිපත් කිරීමට ඇති අවශ්‍යතාව මැනවින් හඳුනා ගත්තෙකි. 'Marketing සිංහලෙන්' පොත ඒ සඳහා කදිම උදාහරණයක් වන අතර මෙය පරිශීලනය කිරීමෙන් ලැබෙන දැනුම දේශීය ව්‍යාපාරිකයන්ට තම ව්‍යාපාර හැඩගස්වා ගැනීමටත්, අලෙවිකරණය ඉගෙන ගන්නා ශිෂ්‍යයන්ට එම විෂය ගැන කුතුහලය හා ඇල්මක් ඇති කිරීමටත් සමත්වනු නියතය. මෙසේ පෙරවදනෙන් දැක්වෙන කරුණු ද 'Marketing සිංහලෙන්' කෘතිය තුළින් සනාථ වන අයුරු දැන් සලකා බලමු. ලංකාවේ දකුණු පළාතේ කුඩා ව්‍යාපාරික ස්ථානයක් වන ග්‍රොසරියක්. එහි හිමිකරු සහ තම ව්‍යාපාරයේ දියුණුව අපේක්ෂාවෙන් ඊට සහාය කර ගන්නා තම පුතණුවන් මූලික කර ගනිිමින්, කිසියම් ප‍්‍රබන්ධයක් ගොඩනඟන අයුරින් කතුවරයා තම කෘතිය අරඹයි. කිසියම් ව්‍යාපාරයක මූලිකත්වයක් වන භාණ්්්්ඩ පිළිබඳව කතුවරයා තම අවධානය යොමු කරයි. මෙකී කෘතිය උදෙසා ප‍්‍රස්තුත කරගනු ලබන ග්‍රොසරියේ අලෙවිකරන භාණ්ඩ, එකී භාණ්ඩ සඳහා යෙදෙන ‘සන්නාම. අලෙවිකරණයේ වැදගත් වන ‘අලෙවි මිශ‍්‍රය. වැනි සාධක එකින් එක ඉස්මතු කර ගන්නා කතුවරයා ග්‍රොසරිය ඇසුරින් නිදසුන් දක්වමින් ඒ ඒ සාධක පිළිබඳව කරුණු පහදා දෙයි. පාඨක මනස තුළ ඒවා නිරායාසයෙන් තැන්පත් වන්නේ කෘතියේ මතුපිට ගලා යන ප‍්‍රබන්ධය කිසියම් අභිරුචියකින් කියැවීමේදීය. අලෙවිකරණය යටතේ එන මිල, ස්ථානය, ප‍්‍රවර්ධනය, අලෙවිකරණ පරිසරය, වෙළෙඳපොළ ඛණ්ඩනය, අලෙවිකරණ පර්යේෂණ වැනි එක් එක් විෂයක් එතැන් පටන් පිළිවෙළින් කෙටි පරිච්ෙඡ්ද සේ සංග‍්‍රහ කරමින් ඒවා එකින් එක ආසිරි ග්‍රොසරියේදී ඒ ආශි‍්‍රතව ප‍්‍රායෝගිකව කි‍්‍රයාත්මක වන ආකාරය හුවා දක්වන්නේ ප‍්‍රබන්ධයේ එක් එක් අවස්ථා මගිනි. එසේ ගලා යන කෙටි පරිච්ෙඡ්ද 11 කින් යුතුව 'Marketing සිංහලෙන්' කෘතිය නිමා වන්නේ කතුවරයා එහි මතුපිටින් දක්වන ප‍්‍රබන්ධයෙන් තෘප්ත වන අතරම පාඨකයා අලෙවිකරණයේ මූලික සිද්ධාන්ත පිළිබඳ ප‍්‍රමාණික දැනුමක් නිරායාසයෙන්ම ලබමිනි. මෙය සාමාන්‍ය ව්‍යවහාරයේදී නීරස වන බොහෝ වැදගත් විෂය ක්‍ෂේත‍්‍ර පාඨකයා වෙත පහසුවෙන් හඳුන්වාදිය හැකි එසේ් හඳුන්වා දිය යුතු සාර්ථක ක‍්‍රමෝපායක් බව මහාචාර්ය නලීන් අබේසේකරයන් 'Marketing සිංහලෙන්' කෘතිය මගින් ඔප්පු කර පෙන්වීම ඉතා වැදගත් සංසිද්ධියක් ලෙස පෙන්වා දෙනු කැමැත්තෙමි. සිංහල භාෂා විෂයෙහි ප‍්‍රාමාණික බුද්ධිමතෙකු සේම ප‍්‍රවීණ ලේඛකයකු ද වන අජිත් තිලකසේන විසින් ලියන ලද ‘භාෂා අර්බුදයක ගමන් මඟ. නමැති අගනා කෙටි කෘතියක් පසුගිය දිනක අපහට කියවන්නට ලැබුණි. පසුගිය ශත වර්ෂයේ මැද භාගයේ සිට මේ දක්වා අපි හමුවේ ඇති වැදගත් ප‍්‍රශ්නයක් වන භාෂා අර්බුදය පිළිබඳ ඓතිහාසික දත්ත ඉතා නිවැරදිව දක්වන තිලකසේනයන් එය විමර්ශනය කොට දක්වන්නේ පුළුල් දැක්මක් පළ කරමිනි. එහෙයින් එය පිටු ගණනින් අඩු වුව ද කෙසේවත් ලඝු කොට සැලකිය හැකි කෘතියක් නොවේ. මහාචාර්ය අබේසේකරයන්ගේ 'Marketing සිංහලෙන්' කියවා අවසන් කළ විට අපහට හැඟී ගියේ මෙම කෘතිය ද පරිච්ෙඡ්ද වලින් සහ පිටු ගණනින් ලඝු වුව ද අලෙවි කරණ විෂයය පුළුල් ලෙස එහෙත් අතිශය සරලව විග‍්‍රහ කරන අර්ථපූර්ණ කෘතියක් බවයි.
650			_aMarketing _9939
942			_2ddc _cLN